Taldyqorǵanda egiz bosanǵan áıel qaıtys boldy
TALDYQORǴAN. QazAqparat - Taldyqorǵan qalasynda egiz sábıdi dúnıege ákelgen jas ana kóz jumdy, dep habarlaıdy QazAqparat tilshisi.
Oqıǵa 19 qańtarda oblystyq perınataldyq ortalyqta boldy.
«Patsıent 15 kún boıy ıntensıvti terapııa bóliminde em qabyldaǵan. Jaǵdaıy turaqty bolyp, jaqsaryp kele jatqan. Biraq bosanǵanda qan ketip, kúrdeli ota jasaýǵa týra keldi. Sol ota barysynda áıeldiń júregi kenetten toqtap qalǵan. Dárigerler onyń ómirin saqtap qala almady. Jasaǵan áreketter nátıje bermedi. Ólim tromboembolııanyń qaýipti asqynýynan oryn alýy múmkin», - dep málim etti oblystyq Densaýlyq saqtaý basqarmasynyń baspasóz qyzmetinen.
Qazirgi ýaqytta atalǵan oqıǵaǵa baılanysty qyzmettik tekserister júrgizilýde.
