Taldyqorǵanda dúkennen aıaq kıim urlaǵandar vıdeoǵa túsip qaldy

TALDYQORǴAN. QazAqparat - Taldyqorǵanda dúkennen aıaq kıimdi qoldy etken urylar vıdeokameraǵa túsip qaldy, dep habarlaıdy QazAqparat tilshisi.

Polıtsııa urlyq jasaǵan eki áıeldi ustady.

«Aıaq kıim býtıginiń ıesi jazǵan aryz 16 sáýirde tirkeldi. Jábirlenýshige keltirilgen zalal 32 000 teńgeden asady. Jedel-izdestirý is-sharalary barysynda qalalyq polıtsııa qyzmetkerleri beınejazbadaǵy áıelderdiń birin anyqtap, ustady. Ol Qonaev qalasynyń 44 jastaǵy turǵyny bolyp shyqty. Taǵy bireýin izdestirý jalǵasyp jatyr»,- delingen Jetisý oblystyq Polıtsııa departamenti baspasóz qyzmetiniń habarlamasynda.

Fakti boıynsha QR Qylmystyq kodeksiniń 188-baby (Urlyq) boıynsha tergeý júrgizilýde.

Baqylaý kamerasynan alynǵan beınejazba tergeý materıaldaryna zattaı dáleldeme retinde tirkeldi.