Taldyqorǵanda dúken qoımasy otqa orandy
TALDYQORǴAN. QazAqparat - Taldyqorǵan qalasynda qurylys materıaldaryn satatyn saýda ortalyqtarynyń birinde órt shyqty, dep habarlaıdy QazAqparat tilshisi.
Qala ákiminiń baspasóz qyzmetiniń málimetinshe, órt týraly aqparat qalalyq TJD kezekshi bólimine saǵat 19.04 te kelip túsken. Oqıǵa ornyna órt sóndirýshiler kelgen sátte saýda ortalyǵynyń qoımasy órtenip jatty. Jedel áreket etý barysynda qyzyl jalynnyń taralýyna jol berilmedi. Tilsiz jaý 20.11-de aýyzdyqtaldy. Órt sóndirýge jeke quramnyń 24 qyzmetkeri men 11 tehnıka jumyldyryldy. Qazirgi tańda qyzyl jalynnyń shyǵý sebepteri anyqtalýda.
