Taldyqorǵanda dárihana tonaǵan kúdiktiler ustaldy
TALDYQORǴAN. QazAqparat - Almaty oblystyq ІІD- baspasóz qyzmeti taratqan aqparat boıynsha, 5 naýryzda qaladaǵy dárihananyń birine qaraqshylyq shabýyl jasady, degen kúdikpen úsh er adamdy ustaldy.
«Kúdiktilerdiń ekeýi Almaty oblysy Uıǵyr aýdanynyń, bireýi Ońtústik Qazaqstan oblysynyń turǵyny. Úsheýi de Almatydaǵy kólik jýý ornynda birge jumys istegen, barlyǵyn Almatydan ustadyq» - dep habarlady oblystyq polıtsııa.
Túngi saǵat 11-den keıin dárihanaǵa basa kóktep kirgen qylmyskerlerde pyshaq bolǵan. Moıynoraýyshpen betin jasyrǵan qaraqshylar dárihanashy áıeldi skotch pen jáne elektr symymen baılap, qorqytyp kassadaǵy 60 myń teńge kólemindegi aqshany jáne eki uıaly telefondy alyp ketken.
«Japa shekken dárihanashynyń aıtýynsha, kúdiktilerdiń biri dárihanany jaqsy bilgen. Bul nusqa kúdiktilerdiń biri jáne dárihananyń burynǵy qyzmetkerimen baılanys ornatylǵan soń rastaldy» - dep atap ótti Taldyqorǵan q. ІІB.
Aıǵaq retinde oqıǵa ornynan urlanǵan telefondar alyndy. Ustalǵandar Taldyqorǵan q. ІІB ýaqytsha ustaý oqshaýlaǵyshyna qamaldy.
