Taldyqorǵanda dámhana otqa orandy
TALDYQORǴAN.QazAqparat - Búgin Taldyqorǵanda dámhana otqa orandy. Shatyry laýlap janǵan nysannyń jalyny jaqyn ornalasqan turǵyn úılerge qaýip tóndirdi. Abyroı bolǵanda tilsiz jaý basqa nysandarǵa sharpymady. Zardap shekkender joq, - dep habarlaıdy QazAqparat tilshisi.
Aldyn ala boljam boıynsha dámhananyń órtenýine órt qaýipsizdik erejeleriniń saqtalmaýy sebep. Bul jerde ot jaqqanǵa uqsaıdy. Murjadan shyqqan jalyn shatyrǵa tıip, ǵımarattyń jabyndysy otqa oranǵan. 500 sharshy metr jer órtengen.
Tekserý barysynda anyqtalǵanyndaı, dámhananyń qurylysy tolyqtaı bitpegen jáne iske qosylmaǵan. Jalpy, órt jónindegi aqparat Almaty oblystyq TJD kezekshi bólimine 13 saǵat 25 mınýtta túsken. Mamandar 10 mınýttyń ishinde jetip, 14 saǵat 07 mınýtta órtti aýyzdyqtaǵan. Al 14 saǵat 57 mınýtta tilsiz jaý tolyqtaı óshirilgen. 
Nysan basynda birneshe brıgada jumys istedi. Olar eki topqa bólindi. Biri órt sóndirse, ekinshi top tilsiz jaýdyń turǵyn úılerge sharpyp ketpeýimen kúresti.
