Taldyqorǵanda dərigerlerdiń 30 paıyzy zeınettik jasta
TALDYQORǴAN. QazAqparat - Búgingi kúni Taldyqorǵanda 950 dəriger eńbek etip jatsa, olardyń 30 protsenti - zeınettik jáne zeınetke shyǵar aldyndaǵy jasta. Bul jóninde Taldyqorǵan qalasy əkiminiń orynbasary Mərlen Kólbaev aıtty, dep habarlaıdy QazAqparat tilshisi.
Qazir oblys ortalyǵynda densaýlyq saqtaý mekemeleriniń 2018 jylǵa arnalǵan josparyna qatysty jıyn ótip jatyr. Keńeste qala əkiminiń orynbasary M. Kólbaev shaharda dərigerlerdiń jetispeýshiligi jaıynda baıandady. Máselen, bir ǵana Taldyqorǵan qalasyna 78 dəriger qajet.
"78 dəriger Taldyqorǵanǵa kelip, jumys isteýge nıetti. Biraq olardyń barlyǵy birinshi kezekte, baspanamen qamtýdy surap otyr", - dedi M. Kólbaev qala əkimine qarata aıtqan sózinde.
Al Taldyqorǵan qalasynyń əkimi Baǵdat Qarasaev shahar boıynsha 15 myńnan astam adam baspana kezeginde turǵanyn atap ótti. Onyń 5 myńnan astamy - memlekettik qyzmetkerler.
