Taldyqorǵanda tsıfrlandyrý jáne akademııalyq dástúrler atty halyqaralyq forým bastaldy

TALDYQORǴAN. QazAqparat - Taldyqorǵandaǵy Іlııas Jansúgirov atyndaǵy Jetisý memlekettik ýnıversıtetinde «Bolashaqtyń ýnıversıteti: tsıfrlandyrý jáne akademııalyq dástúrler» atty Eýropalyq odaq jáne Ortalyq Azııa ýnıversıteti rektorlarynyń  forýmy bastaldy, dep habarlaıdy QazAqparat tilshisi.

Halyqaralyq forýmǵa Tallın ýnıversıtetiniń rektory Tııt Land (Estonııa), Pallas qoldanbaly ǵylymdar ýnıversıtetiniń rektory Valerıı Nýst (Estonııa), Daýgavpıls ýnıversıtetiniń rektory Irena Kokına (Latvııa), Sveche qalasyndaǵy lıngvıstıkalyq-tehnıkalyq ýnıversıtetiniń rektory Eljbetta Sternal (Polsha), Venger beıneleý óneri ýnıversıtetiniń prorektory Adam Shabo (Vengrııa), halyqaralyq qarjy ortalyǵynyń dırektory Aare Laponın (Estonııa), Katovıtse ekonomıkalyq ýnıversıtetiniń prorektory Stefan Dyrka (Polsha), Mýkamı atyndaǵy Qoqand memlekettik pedagogıkalyq ınstıtýtynyń rektory Azızjon Emınov (Ózbekstan), Ándijan memlekettik ýnıversıtetiniń rektory Akramjon ıÝldashev (Ózbekstan), Kýveıt halyqaralyq ýnıversıtetiniń prorektory Bolotbek Shatmanalıev (Qyrǵyzstan), Gertsen atyndaǵy Reseı mememlekettik pedagogıkalyq ýnıversıtetiniń menedjeri Petr Samsonov (RF), Osh memlekettik ýnıversıtetiniń prorektory Idrıs Kenjaev (Qyrǵyzstan) jáne Shyǵys Qazaqstan, Qostanaı, Arqalyq, Almaty qalalaryndaǵy joǵary oqý oryndarynyń rektorlary qatysýda. 

Aýqymdy shara barysynda  Eýropalyq ýnıversıtetterdiń sandyq júıege kóshýi jáne ınternatsıonaldanýy; ǵylym salasyndaǵy jappaı baılanys júıeleriniń jańa reformalary; halyqaralyq yntymaqtastyqty damytýdyń jańa joldary talqylanatyn bolady.

Eki kúnge jalǵasatyn forým barysynda yntymaqtastyq týraly memorandýmǵa qol qoıylady dep josparlanýda.