Taldyqorǵanda burynǵy qala ákiminiń orynbasaryna qatysty sot ótýde
TALDYQORǴAN. QazAqparat - Taldyqorǵan qalasynda burynǵy qala ákiminiń orynbasary Áset Shaıahmetovke qatysty sot otyrysy ótýde, dep habarlaıdy QazAqparat.
QR Qylmystyq kodeksiniń 366 baby (para alý), 218 baby (qylmystyq jolmen alynǵan aqsha nemese múlikti jylystatý (zańdastyrý) boynsha aıyptalǵan eks-ákim orynbasaryna qatysty sot otyrysy Almaty oblysynyń qylmystyq ister jónindegi mamandandyrylǵan aýdanaralyq sotynda ótýde.
Qylmystyq is 32 tomnan turady. Aıta keterligi, aıyptalýshy Áset Shaıahmetovke qatysty bultartpaý sharasy burynǵysynsha - úıqamaqta ustaý boıynsha qaldyrylǵan.
Eske sala keteıik, Áset Shaıahmetov Shyǵys Qazaqstan oblysynda týǵan, joǵary bilimdi, buryn sottalmaǵan. Ol byltyr «para aldy» degen kúdikke ilinip, keıin ustalardan birneshe kún buryn jumysynan ketken bolatyn.
