Taldyqorǵanda búlik kezinde jaraqat alǵan 30-ǵa jýyq adam aýrýhanada emdelip jatyr

TALDYQORǴAN. QazAqparat - Taldyqorǵan qalasyndaǵy emdeý mekemelerinde ártúrli dene jaraqatyn alǵan 30-ǵa jýyq turǵyn em alyp jatyr, dep habarlaıdy QazAqparat tilshisi.

Arasynda lańkesterdiń oǵyna ushqandar da bar. Jalpy búlik bastalǵaly aýrýhanalarǵa 130-dan asa adam túsken. Basym bóligi úıine qaıtaryldy.

Erkebulan Tolybaev 8 qańtarda otbasymen úıine qaıtyp kele jatqan kezde lańkesterge tap bolǵan. 7-8 adam kóligine oq boratqan tusta keri burylyp qasha jónelgen.

Ózine de, áıeli men qyzyna da oq tıgen. Jedel járdem men dárigerlerdiń shırek qımyldaýynyń arqasynda bári de aman qaldy.

Taldyqorǵan kópsalalyq jáne oblystyq aýrýhanalarda barlyǵy 30-ǵa jýyq adam em qabyldap jatyr.

Al qaqtyǵystardan keıin 150-ge jýyq adam dárigerlerdiń kómegine júgingen. Kóbiniń jaraqaty jeńil bolǵandyqtan úıine qaıtaryldy.

Jansaqtaý bóliminde jatqan eki naýqastyń beti beri qarady.

«20-ǵa jýyq adam ártúrli jaǵdaımen kelip tústi. Bárine shuǵyl kómek berilgen. Der kezinde operatsııa jasalyp, ýaqytymen joǵary deńgeıde medıtsınalyq kómek kórsetildi»,- dedi Taldyqorǵan qalalyq kópsalaly aýrýhananyń bas dárigeri Jumahan Moldaqulov.

Emdeý mekemelerine barar jolǵa blokpostar qoıylǵan.

Al aýrýhanalardyń qaýipsizdigin qamtamasyz etýge tájik-aýǵan qaqtyǵysyna qatysqan ardagerler atsalysyp jatyr.