Taldyqorǵanda býkmekerlik keńseni tonaǵandar ustaldy
TALDYQORǴAN.QazAqparat - Taldyqorǵanda býkmekerlik keńsege basa kóktep kirip, kassadan aqsha urlaǵandar qolǵa tústi. Qazir eki azamat kúdikti retinde tergelip jatyr. Bireýi buǵan deıin urlyq jasap, isti bolǵan, dep habarlaıdy QazAqparat tilshisi.
Jəbirlenýshi kassır əıeldiń sózinshe, júzderin betperdemen jasyrǵan eki azamat qarýmen keńsege kelip, aqsha talap etken. Kassadaǵy 48 myń teńgeni qoldy qylǵan.
«Kassany tonaǵandardy izdeý jumystary bir aptaǵa jýyq ýaqyt jalǵasty. Kúdikti retinde eki azamat qolǵa tústi. Ekeýi de 28 ben 30 jas aralyǵyndaǵy Taldyqorǵan qalasynyń turǵyndary. Bireýi buǵan deıin urlyq jasap, isti bolǵan»,- dedi oblystyq ІІD baspasóz qyzmetindegiler.
Qazir qaraqshylyq jasady degen kúdiktiler qamaýǵa alyndy. Atalǵan is boıynsha tergeý jumystary jalǵasýda. Aıǵaq zat retinde iske betperdeler tirkeldi.
