Taldyqorǵanda bolashaq jýrnalısterge arnalǵan sheberhana ashyldy
TALDYQORǴAN. QazAqparat - Taldyqorǵandaǵy Jýrnalıster úıinde bolashaǵyn buqaralyq aqparat quraldary salasymen baılanystyramyn degen stýdentterge arnalǵan sheberhana ashyldy, dep habarlaıdy QazAqparat tilshisi.
Bul jerde Іlııas Jansúgirov atyndaǵy Jetisý memlekettik ýnıversıteti jýrnalıstıka jáne fılologııa kafedrasynyń stýdentteri tájirbıe jınaqtaıtyn bolady. Workshop kabınetinde jastarǵa respýblıkalyq jáne oblystyq BAQ ókilderi dárister oqyp, óz tájirbıelerimen bólisedi.
Almaty oblystyq ishki saıasat basqarmasy qolǵa alǵan bul joba óńirdiń medıakeńistigine shyńdalǵan, bilikti mamandar daıarlaýǵa septigin tıgizbek. Ómirlik tájirbıesi úlken, kásibı turǵyda qalyptasqan aǵa býyn ókilderi jas mamandarǵa baǵyt baǵdar berip, olardyń tańdaǵan mamandyǵynyń basqa da qyr-syrlaryn úıretýge ár kez daıyn. Sheberhanada alǵashqylardyń biri bolyp, oblystyq «Jetisý» gazeti bas redaktorynyń orynbasary, aqyn Núsipbaı Ábdirahym tájirbıesimen bólisti.
