Taldyqorǵanda bıyl kópqabatty 11 úı boı kóteredi
TALDYQORǴAN. QazAqparat - Bıyl Taldyqorǵanda jalpy aýmaǵy 80 myń sharshy metr bolatyn 11 úı salý josparlanyp otyr.
Búgin bul jóninde Taldyqorǵan qalasynyń ákimi Baǵdat Qarasaev málim etti dep, habarlaıdy QazAqparat tilshisi.
Ótken jyly atqarylǵan jumystar boıynsha halyq aldynda esep bergen shahar basshysynyń aıtýynsha, aldaǵy ýaqytta qurylys qarqyny báseńdemeıdi. Áleýmettik nysandar qurylysy da nazarda bolady.
Aıta ketelik, qazir qalada jańa drama teatr, kórme kesheni men saltanat saraıynyń qurylysy júrip jatyr. Bıyl qalada 2 jańa orta mektep pen 1 mýzyka mektebiniń qurylysy bastalmaq. Qalalyq basseın mańyndaǵy qurylysy aıaqtalmaǵan nysandy «Azamattarǵa arnalǵan úkimet» jobasy aıasynda ákimshilik ortalyqqa aınaldyrý kózdelgen.
Taldyqorǵandy gazdandyrý baǵytynda da jumystar bastaldy. Bıyl qalada shetkeri ornalasqan 70-ke tarta kóshe aǵymdaǵy jóndeýden ótpek. 
