Taldyqorǵanda birneshe saǵattyń ishinde bes kólik tonaldy
TALDYQORǴAN. QazAqparat - Taldyqorǵannyń patrýldik polıtseıleri túngi ýaqytta aýlada turǵan kólikterdi tonaǵan eki er adamdy ustady, dep habarlaıdy QazAqparat tilshisi.
Oblystyq ІІD málim etkendeı, kúdiktilerge kóp qabatty turǵyn úıdiń aýlasyndaǵy kólikterdi tonaǵan. Olarǵa birneshe saǵatta bes urlyq jasady degen aıyp taǵyldy. Zattaı aıǵaqtardyń arasynda urlanǵan radar, magnıtola, qujattar, ámııandar jáne t.b. bar.
«Kúdiktiler qala kóshelerinde ornatylǵan vıdeobaqylaý kameralarynyń kómegimen anyqtaldy. «Búrkit» patrýldik ekıpajy kúdiktilerdi ustap, polıtsııaǵa jetkizdi. Ustalǵandardyń arasynda buryn isti bolǵan jigitten urlanǵan zattardyń bir bóligi tabyldy. Qazir QR QK-niń 188-baby boıynsha sotqa deıingi tergeý jumystary bastaldy», - dep habarlady departamenttiń baspasóz qyzmeti.
Oblystaǵy 766 vıdeobaqylaý kamerasynyń 669-y Taldyqorǵan qalasynda ornatylǵan.
«Bıyl oblys ortalyǵynda kameralardyń kómegimen 98 qylmys áshkerelenip, 5 myń ákimshilik quqyq býzyshylyq anyqtaldy», - dedi oblystyq polıtsııada.
