Taldyqorǵanda bir úıde úsh adam ystan ýlanyp kóz jumdy
TALDYQORǴAN. QazAqparat - Taldyqorǵanda bir úıden úsh adam ystan ýlanyp kóz jumdy. Qaıtys bolǵandardyń biri 4 jastaǵy bala, - dep habarlaıdy QazAqparat tilshisi.
«Oqıǵa búgin túnde bolǵan. Qaıtys bolǵan úsh adamnyń biri 2015 jylǵy bala jáne balanyń 1947 jylǵy ájesi. 1966 jylǵy azamat ta mert boldy. Marqum ajal qushqan áıel adamnyń kúıeý balasy bolyp keledi. Aqaý peshten shyqqan», - dep málimdedi oblystyq TJD baspasóz qyzmetinen
Vedomstvonyń málimetinshe, 2 aqpanda bul úıge tótenshe jaǵdaı qyzmetkerleri baryp eskertpe paraqshasyn berip ketken. Aıta keterligi, baspana jalǵa berilgen.
Esterińizge sala keteıik, osydan bir aı buryn Taldyqorǵanda taǵy úsh adamnyń ystan ýlanyp qaıtys bolǵanyn habarlaǵan bolatynbyz. Ol kezde eki kishkentaı balasymen ákesi ajal qushty.
