Taldyqorǵanda bir top shabandoz qala kóshelerinde kókpar uıymdastyrdy
TALDYQORǴAN. QazAqparat – Taldyqorǵanda bir top shabandoz oblys ortalyǵynyń kóshelerinde kókpar uıymdastyrdy, dep habarlaıdy «QazAqparat» HAA tilshisi.
Kókpar tartqandardyń vıdeosy áleýmettik jelilerde taralyp, qala turǵyndarynyń narazylyǵyn týdyrdy. Polıtseıleroqıǵanyń izin sýytpaı birneshe saǵattyń ishinde kúdiktilerdiń birin - Tekeliniń 27 jastaǵy turǵynyn ustady. Búgin tártip saqshylary qalalyq polıtsııa bólimine jetkizilgen kokparǵa qatysýshylardyń qalǵan múshelerin anyqtap, qamaýǵa aldy.
«Barlyǵy jeti zań buzýshy ustaldy, olardyń negizgi bóligi – Eskeldi aýdanynyń turǵyndary. Olardyń qala mańyndaǵy aýyldardyń birinde kókpar shapqandyqtary anyqtaldy. Ulttyq oıynǵa yntaly shabandozdar qala shekarasynan ótip, oblys ortalyǵynyń kóshelerine aýysqan. Ustalǵandar qazir jaýapkershilikke tartylýda», - dep habarlady Almaty oblysynyń PD baspasóz qyzmetinde.
Zań buzýshylarǵa qatysty jınalǵan materıaldar sotqa jiberildi. Olardyń árqaısysy QR Ákimshilik quqyq buzýshylyq týraly kodeksiniń 434-babyna sáıkes jaýapkershilikke tartylady.
Avtory: Hasan Espanov
