Taldyqorǵanda bir kúnde birneshe nysan paıdalanýǵa beriledi

TALDYQORǴAN. QazAqparat - Erteń Taldyqorǵan qalasynda El Táýelsizdiginiń 25 jyldyq merekesine oraı birneshe nysan paıdalanýǵa beriledi, dep habarlaıdy QazAqparat tilshisi.

Erteń tańerteń Taldyqorǵan qalasynyń soltústik-batys aýdanynda  feldsherlik ambýlatorııalyq pýnkt, polıtsııa bólimshesi, kitaphana jáne ardagerler bólmesi ornalasqan nysan ashylady.

Sonymen birge  4 jekemenshik balabaqsha paıdalanýǵa beriledi. Onyń biri  50 oryndyq «Anısa» jáne  40 oryndyq «Nuraı balabaqshasy. Al Taldyqorǵan qalasyna qarasty  Erkin aýlynda  17 oryndyq «Ádemi»  jáne 15 oryndyq «Kakadý» mektepke deıingi mekemeleri bar.

Sondaı-aq Táýelsizdik jáne Shevchenko kósheleriniń qıylysyndaǵy úıler aýlasynda sporttyq alańqaı ashylmaq. Nysan sportpen aınalysam degen jetkinshekter úshin demeýshiler qarjysyna salynǵan.