Taldyqorǵanda bir aı ishinde bes kólik tonaǵan ury ustaldy
TALDYQORǴAN. QazAqparat - Taldyqorǵan qalasyndaǵy kópqabatty úılerdiń aýlasyndaǵy avtokólikterdi tonaýmen aınalysqan 25 jastaǵy kúdikti azamat ustaldy, dep habarlaıdy QazAqparat tilshisi.
Almaty oblystyq polıtsııa departamentiniń baspasóz qyzmeti taratqan aqparatqa sáıkes, ustalǵan jigit - oblys ortalyǵyna jaqyn ornalasqan aýdandardyń biriniń turǵyny. Ol Taldyqorǵan qalasyna kelip, kólikterdiń ishindegi qundy dúnıelerdi jymqyryp, qystaqtaǵy aýylyna jasyrynyp júrgen. Degenmen, qylmystardy ashýǵa jumyldyrylǵan tártip saqshylary kúdiktini qolǵa túsirip, onyń bes urlyq faktisine qatysy bar ekenin dáleldendi.
«Negizinen, kúdikti kólikterdiń dóńgelekteri men akkýmýlıatorlaryn, beınetirkegishterin urlaǵan. Onyń 5 urlyq faktisine qatysy bar ekeni anyqtaldy jáne ol dáleldendi. Barlyq faktiler boıynsha keltirilgen materıaldyq shyǵyndar óteldi. QR Qylmystyq kodeksiniń 188-babyna sáıkes sotqa deıingi tergeý amaldary júrgizilip, is búgin sotqa jiberildi», dep óz sózinde atap ótti Taldyqorǵan qalasy Polıtsııa basqarmasynyń jedel ýákili polıtsııa kapıtany Azamat Kópbaev.
Óz kezeginde, polıtsııa qyzmetkerleri temir tulpar ıelerin osyndaı jaǵdaılardyń aldyn alý maqsatynda qaýipsizdik sharalaryn qabyldaýǵa shaqyrady.
