Taldyqorǵanda bilim salasyn 6 jyl basqarǵan eks-basshynyń múrdesi tabyldy

TALDYQORǴAN.QazAqparat – Taldyqorǵannyń bilim salasyn 2016-2022 jyldary basqarǵan Roza Barmanovanyń múrdesi ózen jaǵasynan tabyldy, - dep habarlaıdy QazAqparat tilshisi.

Áıeldiń denesin jergilikti balyqshylar taýyp alǵan.

«Áıel adamnyń denesinde zorlyq-zomdylyq belgileri joq. Múrde Qaratal ózeniniń mańynan tabylǵan. Atalǵan fakti qalalyq polıtsııaǵa tirkeldi. Qajetti sot-medıtsınalyq saraptama taǵaıyndaldy», - delingen Jetisý oblystyq polıtsııa departamentiniń habarlamasynda.

Esterińizge sala keteıik, Roza Barmanovadan keıin Taldyqorǵan qalalyq bilim salasyn Jandos Joldyhanov basqardy. 2023 jyldyń 27 sáýirinde ol 280 mln teńge para aldy degen kúdikpen ustalǵanyn habarlaǵan bolatynbyz.