Taldyqorǵanda Bıken Rımova atyndaǵy І-shi teatrishilik festıval ótti
Alǵash ret uıymdastyrylyp otyrǵan festıval óner ujymynyń shyǵarmashylyǵyn shyńdap, budan da bıik belesterdi baǵyndyrýǵa yntalandyrýdy maqsat etip otyr. «Sondaı-aq kórermenderge teatr óneriniń qasıetin uǵyndyryp, kórermen men ártis arasynda altyn kópir ornatý», - deıdi B. Rımova atyndaǵy drama teatrynyń dırektory Rýslan Seńkebaev.
Baıqaý aıasynda jeti júldeli nomınatsııa taǵaıyndaldy. Jas ártister «Úmit» nomınatsııasyna iligý úshin bar ónerin ortaǵa saldy. Orta jáne aǵa býyn «2-shi plandaǵy er men áıel beıneleri», «Úzdik er adam jáne áıel adam», «Sahna sheberi» nomınatsııalaryna talasty. Al Bas júlde retinde Bıken Rımova atyndaǵy syılyq usynyldy. Bul qurmetti júldege teatr akteri Bazarbek Toqymtaev ıe boldy. 45 jyldyq tarıhy bar óner ordasynyń shyǵarmashylyq ujymy Almaty oblysy ákiminiń, oblystyq mádenıet basqarmasynyń alǵys hattarymen marapattaldy.
