Taldyqorǵanda belgisiz bireý dúken kassasyn tonap ketti
TALDYQORǴAN.QazAqparat - Taldyqorǵanda belgisiz bireý dúken kassasyn tonap ketti. Oqıǵa jemis-jıdek satatyn dúkende bolǵan, dep habarlaıdy QazAqparat tilshisi.
Urynyń bul áreketi beınejazbaǵa jazylyp qalǵan. Búgin jábirlenýshi polıtsııaǵa shaǵymdanyp, aryzyn qaldyrdy.
Jábirlenýshiniń sózinshe, keltirilgen shyǵyn kólemi 500 myń teńge shamasynda. Qazirgi tańda atalǵan fakti boıynsha QR QK 188 baby ıaǵnı, «Urlyq» deregi boıynsha is qozǵalyp, tergeý jumysy jalǵasýda. Qazir atalǵan oqıǵanyń vıdeosy feısbýk áleýmettik jelisinde jarııalandy. Uryny tanyǵan adamǵa arnaıy syıaqy beriletini de habarlanǵan.
