Taldyqorǵanda balany qaǵyp kete jazdaǵan «Toyota Camry» júrgizýshisi jazaǵa tartyldy
TALDYQORǴAN. QazAqparat - Taldyqorǵanda balany qaǵyp kete jazdaǵan «Toyota Camry» júrgizýshisi jazaǵa tartyldy, dep habarlaıdy QazAqparat tilshisi.
Taldyqorǵan qalasynyń ortalyq kóshesimen júrip kele jatqan sheteldik kólik jol qozǵalysy erejelerin óreskel buzǵan. Buǵan qosa, kólik júrgizýshisiniń baǵdarshamǵa mán bermeı jol qıylysynan ótýi de bar. Bul jaǵdaı ǵalamtorda jarııalanyp, áleýmettik jeli qoldanýshylarynyń narazylyǵyn týdyrǵan. Beınejazbada jolda anasymen birge bara jatqan balanyń qyzyl jaryqqa qaramaı ótken kólik dóńgeleginiń astyna túse jazdaǵany baıqalady.
«Osy óreskel fakti týraly bilip, biz birden jedel túrde júrgizýshini qatań jaýapkershilikke tartý sharalaryn qabyldadyq. Oqıǵa 9 qyrkúıek kúni Abaı-Nazarbaev kósheleriniń qıylysynda bolǵany anyqtaldy. Biz Іle aýdanynyń turǵyny bolyp tabylatyn Toyota Camry avtokóliginiń 23 jastaǵy júrgizýshisin anyqtap, ustadyq. Quqyq buzýshyǵa qatysty baǵdarsham sıgnalynyń, jol belgileri men tańbalarynyń talaptaryn oryndamaǵany jáne sıgnal berýsiz manevr jasaǵany, sondaı-aq jaıaý júrginshilerge jol bermegeni úshin 4 ákimshilik hattama toltyryldy. Avtokólik arnaıy aıypturaǵyna qoıyldy. Endi júrgizýshi ákimshilik zańnama talaptaryna sáıkes jasaǵan áreketi úshin zań aldynda jaýap beredi jáne jalpy alǵanda 100 myń teńgege jýyq aıyppul tóleıtin bolady»,- deıdi Taldyqorǵan qalasynyń PB bastyǵy polıtsııa polkovıgi Asqar Nursapa.
