Taldyqorǵanda balaǵa qol kótergen tárbıeshige qylmystyq tergeý bastaldy
TALDYQORǴAN.QazAqparat - Taldyqorǵanda balabaqsha tárbıelenýshilerine qol kótergen tárbıeshiniń ústinen qylmystyq tergeý bastaldy. 24 jastaǵy áıel adam qazir arnaıy qolhatpen bosatylǵan, dep habarlaıdy QazAqparat tilshisi.
Tárbıeshiniń balalarǵa qol kótergen sáti beınebaqylaý kamerasyna túsip qalǵan. Oqıǵa Taldyqorǵan qalasyndaǵy jekemenshik «Kishim apa» balabaqshasynda bolǵan.
«Qazir balaǵa qol kóterý deregi boıynsha QR QK 141 babyna sáıkes qylmystyq tergeý júrip jatyr. Qajetti saraptamalardyń barlyǵy taǵaıyndalǵan. Іspen Taldyqorǵannyń polıtseıleri aınalysýda. Tergeý barysynda 24 jastaǵy tárbıeshige eshqaıda ketpeýi jóninde eskertilip, arnaıy qolhat berildi», - dep málimdedi Almaty oblystyq Polıtsııa departamentiniń baspasóz qyzmetinen.
Іs materıalyna sáıkes, atalǵan fakti boıynsha tárbıeshiniń ústinen eki ata-ana shaǵym túsirgen.
