Taldyqorǵanda avtobýstar kún saıyn dezınfektsııalanady

TALDYQORǴAN.QazAqparat - Taldyqorǵanda avtobýstar budan bylaı kún saıyn zalalsyzdandyrylady, dep habarlaıdy QazAqparat tilshisi.

Almaty oblysynyń ortalyǵy Taldyqorǵan qalasynda qazir jeti tasymaldaýshy kásiporyn bar. 26 baǵyt boıynsha 184 avtobýs halyqqa qyzmet kórsetýde. Tasymaldaýshylarǵa avtobýstardy táýligine bir ret zalalsyzdandyrý mindettelgen. Jumys aıaqtalǵannan keıin ár avtobýstyń ishi-syrty jýylyp, arnaıy zalalsyzdandyrǵysh qospalarmen óńdeledi.

Birer kúnde avtobýstardy antıseptıkalyq jabdyqtarmen qamtamasyz etý máselesi de qarastyrylǵan.

«Qazirgi ýaqytta zalalsyzdandyrylatyn zattar alyndy. Bir aıǵa jetkilikti. Búginnen bastap kúnde bir ret kólikti jýýmen qatar, ishki salon da tolyqtaı zalalsyzdandyrylady», - deıdi jolaýshylar tasymalyn basqarý ortalyǵynyń dırektory Danııar Qanaev