Taldyqorǵanda aýyr atletıkadan Qazaqstan chempıonaty ótip jatyr
TALDYQORǴAN. QazAqparat - Taldyqorǵanda aýyr atletıkadan erler men áıelder arasynda Qazaqstan chempıonaty bastaldy. Aıtýly dodaǵa elimizdiń eń bedeldi jáne úzdik ziltemirshileri qatysýda. Barlyǵy 142 sportshy baq synasýda, dep habarlaıdy QazAqparat tilshisi.
Sportshylar bir apta boıy «Jastar» sport saraıynda 15 túrli salmaq dárejesi boıynsha myqtylaryn anyqtaıtyn bolady. Jeńimpazdar el quramasyna alynady. Bir toby qyrkúıek aıynyń sońynda Ashhabatta ótetin Azııa oıyndarynda baq synaıtyn bolsa, endi biri qarashada AQSh-tyń Aneheım qalasynda jalaýyn kóteretin álem chempıonatynda el namysyn qoıǵaıdy.
«Bıylǵy el chempıonatyna qatysýshylardyń deni jastar. Mamandardyń aıtýynsha komandalyq bas júldeden birden bir úmitker ujym Almaty oblysy. Rıo Olımpıadasynyń júldegeri Karına Gorıcheva, Azııa chempıony Albert Lınder bastaǵan Jetisý óńiriniń atletteri bul joly da naǵyz babynda deıdi bapkerler. Sonymen qatar Shyǵys Qazaqstan, Aqmola, Qyzylorda oblystarynyń ziltemirshileri de jaqsy daıyndyqpen kelgen», - deıdi aýyr atletıkadan QR Memlekettik jattyqtyrýshysy Meńdihan Tápsir
Jarystyń alǵashqy kúni 48 jáne 53 keli salmaq dárejesi boıynsha qyzdar synǵa tústi. Almaty oblysynyń atletteri ózderiniń myqty ekenderin dáleldeı bildi. Eń jeńil salmaqtaǵylar arasynda ıÝlııa Potasova chempıondyq ataqqa ıe boldy. Al, 53 keli de Tekeli qalasynyń týmasy Áıgerim Aýylbek qarystlastaryn qapy qaldyryp, top jardy. Halyqaralyq dárejedegi sport sheberi Áıgerim barlyq múmkindigin tolyq paıdalanyp, osylaısha el quramasyna kirdi.
Jarys 11- shi qyrkúıekke deıin jalǵasady.
