Taldyqorǵanda aýa sapasyn kórsetetin LED-ekrandar ornatylmaq
Bul shara Almaty oblysynyń ekologııalyq problemalaryn sheshý jónindegi Jol kartasy jobasyna engizilgen.
«Almaty oblysynda lastaýshy zattar shyǵaryndysy 2020 jyldyń 1 jartyjyldyǵynda 17,1 myń tonnany qurady. Aǵyn sýlardaǵy lastaýshy zattar 106,96 myń tonna boldy»,- dedi Ekologııa, geologııa jáne tabıǵı resýrstar mınıstri Maǵzum Myrzaǵalıev qoǵam ókilderimen ótken onlaın-kezdesýde.
Óńirdegi qordalanyp qalǵan ekologııalyq problemalardy sheshý úshin keshendi sharalardy qamtıtyn Jol kartasy ázirlendi. Atalǵan qujatqa oblys turǵyndarynyń usynystary da enedi. Qazir jobada Almatynyń úshinshi Jylý elektr ortalyǵyn modernızatsııalap, qorshaǵan ortaǵa áserin tómendetý, turǵyn úı alaptaryn, áleýmettik, óndiristik jáne basqa da ǵımarattardy gazǵa kóshirý, jasyl jelek aýmaqtaryn 200 gektarǵa deıin keńeıtý, Іle aýdanynda bıogaz stantsııasyn salý sekildi kóptegen sharalar bar.
Sonymen birge halyq atmosferalyq aýanyń jaǵdaıy týraly bilip otyrý úshin «Air KZ» mobıldi qosymshasyndaǵy aqparatty Taldyqorǵannyń LED-ekrandaryna shyǵarý josparlanýda. Bul jospar 2021 jyly júzege asady.
Aıta ketsek, Ekologııa mınıstrligi qazirgi ýaqytta ár óńirdegi qoǵam ókilderimen jeke-jeke onlaın-kezdesýler ótkizip, ekologııalyq problemalardy sheshýge baǵyttalǵan Jol kartalaryn ázirleýde.