Taldyqorǵanda atys qarýy men oq-dáriler jasyrylǵan oryn tabyldy
Taldyqorǵanda oblystyq uıymdasqan qylmysqa qarsy kúres basqarmasynyń qyzmetkerleri Ulttyq qaýipsizdik komıteti departamentiniń qyzmetkerlerimen birlesip, Shyǵys shaǵynaýdanynda qarý jasyrylǵan oryndy tapty.
Qarý-jaraq qoımasy quqyq qorǵaý organdaryna kelip túsken jedel aqparatqa sáıkes anyqtaldy. Sol jerde qarýdyń tutas arsenaly – jınalmaly shúıde jáne eki oqjatarymen birge Saıga-762 ıir oıyqty myltyq, 16 kalıbrli tegis uńǵyly sholaq myltyq, IJ 79-8 gaz tapanshasy, sonymen qatar saqtandyrǵyshy bar RGD-5 granatasy jáne ártúrli kalıbrli patrondar tárkilendi.
Derek QR QK-niń 287-baby 3-bóligi (Qarý-jaraqty, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) boıynsha SDTBT-da tirkelip, ol boıynsha tergeý ballıstıkalyq saraptama taǵaıyndalýymen qalalyq polıtsııaǵa tapsyryldy.
«Jasyryn orynnan tabylǵan qarýdyń qańtar aıyndaǵy tártipsizdikte urlanǵan qarýǵa qatysy bar-joǵy tergeý aıasynda anyqtalady»,-delingen habarlamada.
Foto: t.me/POLICE_of_KZ
