Taldyqorǵanda armatýra zaýytynan 46 áýe bombasy tabyldy
TALDYQORǴAN.QazAqparat - Taldyqorǵandaǵy armatýra zaýytynan 46 dana avıatsııalyq oqý-jattyǵý bombalary tabyldy. Qazirgi tańda osy faktige baılanysty qylmystyq is qozǵalyp, tergeý jumystary júrgizilip jatyr, dep habarlaıdy QazAqparat tilshisi.
Oblystyq prokýratýranyń resmı málimeti boıynsha, keńestik úlgidegi jarylǵysh zattar temir qaldyqtary arasynan tabylǵan. Qazirgi ýaqytta QR QK-niń 287-baby boıynsha ıaǵnı, jarylǵysh zattardy zańsyz saqtaý deregine sáıkes is qozǵalyp, tergeý amaldary júrgizilip jatyr. Al bombalardyń barlyǵy tolyqtaı joıylatyn bolady.
