Taldyqorǵanda ánshi Qaırat Nurtas otyrǵan kólik jol erejesin óreskel buzdy

TALDYQORǴAN. QazAqparat - Taldyqorǵanda Qaırat Nurtas otyrǵan kólik jol erejesin óreskel buzdy. Olar kólik júrýge tyıym salynǵan jermen júrip ótken, - dep habarlaıdy QazAqparat tilshisi.

Jelige ánshi Qaırat Nurtastyń kólikpen júrýge ruqsat etilmegen jermen ketip bara jatqan vıdeosy jarııalandy. Bul jaıtqa oqyrmandar narazylyq bildirip, erejeni buzǵan kólik júrgizýshisi anyqtalyp, oǵan aıyppul salyndy.

«Mercedes-Benz júrgizýshisi Taldyqorǵan qalasynda QR Jol erejelerin buzýǵa jol bergenin habarlaımyz (Qozǵalysqa tyıym salynady). Іzdestirý is-sharalary barysynda 45 jastaǵy avtokólik júrgizýshisi Almaty qalasynyń aýmaǵynda ustalyp, QR ÁQBtK 601-baby boıynsha ákimshilik jaýapqa tartyldy (Jol belgilerimen kórsetilgen talaptardy saqtamaý). Jetisý polıtsııasy azamattarǵa belsendi azamattyq ustanymyn kórsetkeni, quqyq buzýshylyqtarǵa beıjaı qaramaǵany jáne quqyqtyq tártip organdaryna járdemdeskeni úshin alǵys bildiredi», - delingen Jetisý oblystyq polıtsııa departamenti baspasóz qyzmetiniń habarlamasynda.

Aıta keteıik, Qaırat Nurtas vıdeony Taldyqorǵannyń ortalyq alańynda túsirgen. Ortalyq alańda kólikterge júrýge shekteý qoıylǵan.