Taldyqorǵanda anasyn óltirgen jasóspirim psıhıatrııalyq aýrýhanaǵa jiberildi
TALDYQORǴAN. QazAqparat - Taldyqorǵanda týǵan anasyn óltirgen 17 jastaǵy Álisher Kárim psıhıatrııalyq aýrýhanaǵa jiberildi, dep habarlaıdy QazAqparat tilshisi.
Ol Almaty oblysyndaǵy Talǵar aýdanynyń Aqtas aýylyndaǵy jiti baqylanatyn mamandandyrylǵan úlgidegi respýblıkalyq psıhıatrııalyq aýrýhanaǵa jiberildi.
Aıta ketý kerek, Alısher Kárimge QR Qylmystyq kodeksi 99-babynyń 2- bóligi 3-tarmaǵy boıynsha aıyp taǵylǵan. Kámilettik jasqa tolmaǵan jasóspirimniń isi Taldyqorǵandaǵy qylmystyq ister jónindegi mamandandyrylǵan aýdanaralyq sotta qaraldy.
Anasyn óltirgen bala is-áreketti esi durys emes kúıde jasaýyna baılanysty qylmystyq jaýaptylyqtan bosatylǵan.
Sot qaýlysyna sáıkes, Alısher Kárimge mamandandyrylǵan úlgidegi psıhıatrıalyq statsıonarda medıtsınalyq sıpattaǵy májbúrlep emdeý túrindegi sharasy taǵaıyndaldy.
Esterińizge sala keteıik, jantúrshigerlik oqıǵa bıyl naýryz aıynda bolǵan edi. Ol kezde Alısher 11 synypta oqyp júrgen. Lomonosov mektebiniń dırektory balanyń sabaqtaǵy úlgerimi jaqsy bolǵany jóninde aıtqany buǵan deıin habarlandy.
