Taldyqorǵanda «Analarǵa taǵzym» eskertkishi salynýy múmkin

TALDYQORǴAN. QazAqparat - Taldyqorǵan qalasynda "Analarǵa taǵzym" eskertkishi salynýy múmkin. Mundaı ıdeıany oblys əkimine "Egemen Qazaqstan" gazetinde talaı jyl eńbek etken  zeınetker jýrnalıst Kúmisjan Baıjan usyndy, dep habarlaıdy QazAqparat tilshisi.

Dəl qazir óńir basshysy Amandyq Batalov Jetisý jeriniń nəzik jandaryn halyqaralyq əıelder kúnimen quttyqtady. Amandyq Batalov óz sózinde atap ótkendeı, qazir Almaty oblysyndaǵy bıznes sýbektileriniń 40 paıyzǵa jýyǵyn qyz-kelinshekter basqaryp, joǵary kórsetkishke qol jetkizýde. Saltanatty jıyn barysynda qurmetke bólengen analar men názik jandylar rızashylyǵyn bildirip, óz usynystaryn da jetkizdi. Zeınetker jýrnalıst Kúmisjan Baıjan oblysqa analarǵa taǵzym etetin eskertkish qajet ekenin aıtty. Óńir basshysy bul ıdeıany qoldady.

"Óte jaqsy ıdeıa. Men qoldaımyn. Bolashaqta  "Analarǵa taǵzym" eskertkishi Taldyqorǵannan boı kóterse  qandaı keremet", - dedi A. Batalov.