Taldyqorǵanda Almaty oblysynyń úzdik oqýshylaryn oblys ákimi quttyqtady (FOTO)
TALDYQORǴAN. QazAqparat - Taldyqorǵanda Almaty oblysynyń úzdik oqýshylaryn oblys ákimi A. Batalov quttyqtady. Bıyl óńirdegi «Altyn belgi» ıegerleriniń sany - 214.
«Búgin úzdik oqýshylarly qoshemetke bólep otyrmyz. Olar ózderiniń bilimdiligimen, oı órisiniń keńdigimen, talaptylyǵymen «Altyn belgi» ıegeri atanyp otyr, - dedi quttyqtaý sózinde aımaq basshysy A. Batalov. - Bul sizderdiń jeke jeńisterińiz jáne muǵalimderdiń, ata-analaryńyzdyń eńbegi».
Prezıdentimiz Nursultan Ábishuly: «Kez kelgen el óziniń keleshegin óskeleń urpaǵymen baılanystyrady. Jańa qundylyqtar jastardyń júregine tezirek jol tabady», - degen edi. Adamzat balasy ómir boıy bilim alady. Óıtkeni bilim - taýsylmas qazyna, baǵa jetpes baılyq. Biz Sizderden jańalyqqa jany qumar, álem órkenıetine jaqyn, ozyq oıly jastar retinde úlken úmit kútemiz, - dedi A. Batalov.
Oblys ákiminiń sózine qaraǵanda, bilim salasyna memleket kóp qoldaý kórsetip jatyr. Ozyq quraldar men jańa oqý materıaldary bar jańa mektepter salyndy, oqytýdyń úzdik ádisteri qoldanyldy, sporttyq jarystar men barlyq deńgeıdegi olımpıadalarǵa qatysýǵa múmkindik boldy.
Osylaısha, bıylǵy jyly oblysta 214 túlek «Altyn belgi» tósbelgisine, 171 oqýshy erekshe úlgidegi attestatqa ıe boldy. 28 oqýshy 120 baldan joǵary kórsetkishke ıe boldy. Ulttyq biryńǵaı testileýdiń qorytyndysy da ótken jyldan joǵary bolyp, ortasha kórsetkish - 80 balǵa jetti.
Bul oraıda UBT nátıjesi boıynsha eń joǵary - 124 baldy Kerbulaq aýdany Qarashoqy aýylyndaǵy orta mekteptiń túlegi Talshyn Shoqaeva aldy. Jambyl aýdanynan Juldyz Baltamuratova, Іle aýdanynan Arýjan Esentur, Qarasaı aýdanynan ıÝlııa Sabırova, taldyqorǵandyq Zarına Tólegenovalar 123 upaıǵa ıe boldy.
