Taldyqorǵanda Almaty oblysy boıynsha memlekettik qyzmetshilerdi oqytý fılıaly ashyldy

Oqý 2018 jyldyń 1 qańtarynan bastalmaq. Qazirgi tańda ár taraptan uıymdastyrýshylyq jumystary júrgizilip jatyr. Bul týraly óńirlik kommýnıkatsııalar qyzmeti alańynda belgili boldy.

Almaty oblysy boıynsha memlekettik qyzmetshilerdiń shtat sany - 8036. Qazirgi kezde 1451 memlekettik qyzmetshi qaıta daıarlaý jáne biliktiligin arttyrý kýrstarynan ótti, ıaǵnı ol 88,9% quraıdy. Atalǵan memlekettik qyzmetshilerdi oqytý kýrstaryn ótkizý úshin jergilikti bıýdjetten 57 787 706 teńge bólindi.

«Taldyqorǵan qalasynda fılıal 22 qyrkúıekte tirkelgen bolatyn. Saltanatty ashylýyn jeltoqsan aıyna qaldyryp otyrmyz. Fılıalda memlekettik qyzmette tájirıbesi mol qyzmetkerler dáris beredi, jáne memlekettik qyzmetkerler tek teorııamen shektelmeı, praktıkalyq jumystarǵa kirisetin bolady. Mysaly,  jobalaý, ǵylymı joba jasaýdyń qyr-syry úıretiletin bolady jáne osy jobalardy birge júzege asyramyz dep oılaımyn. Sonymen qatar, biliktiligin arttyrý jáne qaıta daıarlaý kýrstaryn tabysty aıaqtaǵan memlekettik qyzmetshilerge sertıfıkat tabystaıtyn bolamyz», - dedi QR Prezıdentiniń janyndaǵy memlekettik basqarý akademııasynyń Almaty oblysy boıynsha fılıalynyń dırektory Shakıshev Qazbek.

   Aıta keteıik, Almaty oblysy boıynsha memlekettik qyzmetshilerdi oqytý  fılıaly keler jylǵa 1200 qyzmetkerdi oqytýdy josparlap otyr.