Taldyqorǵanda «Almarafon» jarysy ótti

Sharaǵa 2000-nan asa adam qatysty. Jaýynǵa qaramastan qımyl qozǵalysy shektelgen, qolarbaǵa tańylǵan azamattar belsendilik tanytty. Almarafon jeńimpazy - Taldyqorǵan polıtehnıkalyq kolledjiniń stýdenti Sergeı Rogovenko. Onyń aıtýynsha, ol sporttyń bul túrimen burynnan aınalysady. Tanymal jeńil atlet - Bıebaı Tilemisovty óziniń ustazy sanaıdy. «Jeńisimdi súıikti qalam - Taldyqorǵannyń týǵan kúnine arnaımyn» deıdi jeńimpaz.

Jarysqa elimizdi álemge tanytyp júrgen tanymal sportshylar da qatysty. Olardyń qatarynda ardagerler arasynda Álem chempıony Bıebaı Tilemisov, ıÝrıı Paşenko, 2008 jylǵy Beıjiń Olımpıadasynyń qola júldegeri Nurbahyt Teńizbaev, 2012 jylǵy London Olımpıadasynyń qatysýshysy Sholpan Qojahmetova, 2016 jylǵy Rıo-de-Janeıro Olımpıadasynyń qatysýshysy Sultan Dúzelbaev ta bar. Marafon qashyqtyǵy 2,6 shaqyrym. Barlyq jeńimpazdardy Taldyqorǵan qalasynyń ákimi Baǵdat Qarasaev quttyqtap, dıplom, Kýbok, medal jáne baǵaly syılyqtarmen marapattady jáne barlyq qatysýshylarǵa alma úlestirildi.

 

Al jarystyń «Almarafon» dep atalýy tegin emes. Qazir «Taldyqorǵan baq qala» ataýymen joba ázirlenip, Taldyqorǵandy baq qala retinde tanymal etý maqsatynda ıgi ister atqarylýda. Búginde ǵalymdar almanyń Otany Qazaqstannyń Alataý bókteri ekenin dáleldep jatyr. Álemdegi alma ataýlysy sıvers almasynan taraǵan. Qazir jer júzindegi osy almanyń 68 paıyzy Almaty oblysynda. Osyǵan baılanysty «Taldyqorǵan - baq qala» jobasynyń maqsaty - osy sıvers almasyn kóbeıtýge úles qosý.