Taldyqorǵanda alǵash ret respýblıkalyq pikir-saıys týrnıri ótti

TALDYQORǴAN. QazAqparat - Taldyqorǵanda Almaty oblystyq tilderdi damytý basqarmasynyń uıymdastyrýymen alǵash ret ««Til-rýhanı jańǵyrý tetigi» taqyrybynda pikir-saıys týrnıri ótti. Sharaǵa elimizdiń ár óńirinen 20 komanda qatysty, dep habarlaıdy QazAqparat tilshisi.

Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasy aıasynda qolǵa alynǵan sheshindik óner saıysynda til mártebesi kóterilip, latyn álipbıine kóshý máselesi taqyrypqa arqaý boldy. Pikirsaıysshylar eki kún boıy óz oılaryn ortaǵa salyp, memlekettik til saıasatyn júzege asyrý joldaryn talqylady. Sheshendik óner men til baılyǵyn damytatyn sóz saıysynda Astana qalasy men Jambyl oblysynyń komandalary top jardy. Jeńimpazdarǵa basqarma basshysynyń alǵys hattary men qarjylaı sertıfıkattary tabystaldy.