Taldyqorǵanda alǵash ret FASHION DAY sharasy ótti
TALDYQORǴAN.QazAqparat - Taldyqorǵanda alǵash ret Fashion day sharasy ótti. Jınalǵandar nazaryna belgili dızaıner Aıgúl Qasymova jeke kıim toptamasyn usyndy, dep habarlaıdy QazAqparat tilshisi.
Keshti isker áıelder keńesi, Koktem Grand qonaq úı kesheni jáne LIFE TDK jýrnaly birlese uıymdastyrdy. "Sándi" is-sharaǵa Almaty oblysy ákiminiń orynbasary Jaqsylyq Omar qatysyp, sán men dızaın salasynyń ókilderi úshin Fashion day aıryqsha mánge ıe ekenin atap ótti.
«Men alǵash ret Taldyqorǵanǵa keldim. Toptama áıelder qaýymynyń kóńilinen shyǵady degen úmittemin. 2017-2018 jyldyń kúzgi jáne qysqy merzimderine arnalǵan maýsymdyq kıimderdi usyndyq. Men osy salada 10 jyl jumys istep kelemin. Biz úshin sapa men biregeılikti úılestiretin kıim-keshekterdi tigý mańyzdy bolyp tabylady», - dep atap ótti dızaıner Aıgúl Qasymova.
Aıgúl Qasymova - tabysty kásipker. Onyń tabys qupııasy kóptegen jas dızaınerler men kásipkerler úshin úlgi. Sebebi, bolashaq sánger ýnıversıtetti aıaqtaǵan soń, kishigirim ateleniń negizin qalady. Birshama ýaqyttan soń bul atele satyp alýshylardyń súıikti brendine aınaldy. 2006 jyldan soń pret-a- porte toptamasyn usyndy. Dızaıner Kazakhstan Fashion Week jáne Mercedes Benz Fashion Week Almaty sharalarynyń turaqty qatysýshysy bolyp tabylady. Arnaıy kórsetilimderi Frantsııa, Ispanııa, Reseı jáne Túrikmenstanda ótti.
«Kásipker áıelder úshin uıymdastyrylǵan sharanyń máni men mańyzy zor. Bul ózara tájirıbe almasýǵa, iskerlik baılanystar ornatýǵa jáne jaı ǵana toptamany tamashalaýǵa múmkindik beredi. Fashion day iskerlik kelbetti qurý men qalypastyrýǵa, sonymen qatar estetıkalyq talǵamdy damytýǵa kómektesedi», - deıdi oblystyq Іsker áıelder keńesiniń tóraıymy Rımma Salyqova.
