Taldyqorǵanda aqyn Saǵynysh Namazshamovanyń shyǵarmashylyq keshi ótti
TALDYQORǴAN. QazAqparat - Taldyqorǵanda aqyn, jýrnalıst, halyqaralyq «Shabyt» festıvaliniń laýreaty Saǵynysh Namazshamovanyń «Qaýyrsyn ǵumyr» atty shyǵarmashylyq keshi ótti.
Ádebı sharaǵa jetisýlyq aqyndar men ónerpazdar qatysyp, taldyqorǵandyqtardy óleń-jyrmen sýsyndatty, dep habarlaıdy QazAqparat tilshisi.
Ómirin óleńmen órip, poezııa áleminde jyr besigin terbetken aqyn bul keshin oqyrmanǵa esep berý dep baǵalady. Birneshe óleń jınaqtarynyń avtory óz shyǵarmalarynda Jetisýdyń ásem tabıǵatymen syrlasyp, adamnyń boıyndaǵy jaqsy qasıetterdi, sulý sezimdi sýretteıdi.
Shyǵarmashylyq keshte aqynnyń óleńderi teatrlandyrylǵan qoıylymǵa ulasyp, aqyn týyndylaryna jazylǵan ásem ánder áýeledi. Lırıkalyq jyrlardyń káýsár bulaǵyna sýsyndaǵan taldyqorǵandyqtar ádebı sharadan rýhanı qýat alyp qaıtty.
«Poezııa bul aqynnyń sózi ǵana emes, ómirdiń ózi. Sondyqtan ár óleńde aqynnyń óziniń júrek lúpili, óziniń ańsaǵan sezimi, oı tolǵamy, júreginiń qaǵysy, barlyǵy ishinde turady», - deıdi keshtiń ıesi Saǵynysh Namazshamova.
