Taldyqorǵanda ákesi eki balasymen ıis tıip kóz jumdy
TALDYQORǴAN. QazAqparat - Taldyqorǵan mańyndaǵy Saryarqa saıajaıynyń 3 turǵyny peshten shyqqan tútinge ýlanyp, kóz jumdy. Marqum bolǵandardyń barlyǵy bir úıdiń adamdary, dep habarlaıdy QazAqparat tilshisi.
«TJD-ne osy oqıǵa jaıly aqparat 9 qańtar kúni 17 saǵat 22 mınýtta kelip tústi. Peshten shyqqan tútinge ýlanyp ákesi, eki balasymen mert boldy. Al áıel aýrýhanada jatyr», dedi Almaty oblystyq TJD baspasóz qyzmetiniń ókili Azamat Jurtbaev.
Vedomstva ókilininiń aıtýynsha, qazir TJD qyzmetkerleri saıajaılardaǵy ár úıdi aralap, peshti paıdalaný jóninde qaýipsizdikti túsindirip, saqtyq sharalaryn kúsheıtýge kirispek.
"Peshti jaǵýdy uıqyǵa keter aldynda eki-úsh saǵat buryn toqtatqan durys bolady jáne de osy qys mezgilinde kómirdiń de nashar bolýynan peshterdi jıi tazalap turýǵa oblys turǵyndaryna keńes beremiz", -dedi oblystyq TJD bas mamany Tolqyn Qatysheva.
