Taldyqorǵanda adam qaǵyp, oqıǵa ornynan izin sýytqan kólik júrgizýshisi ustaldy
TALDYQORǴAN. QazAqparat - Taldyqorǵanda 30 mamyr kúni "Aýdı" markaly kólik júrgizýshisi mototsıkl júrgizýshisin qaǵyp, oqıǵa ornynan qashyp ketken, dep habarlaıdy QazAqparat tilshisi.
Almaty oblystyq ІІD qyzmetkerleri anyqtaǵandaı 32 jastaǵy qala turǵyny ár túrli dene jaraqattarymen aýrýhanaǵa jetkizildi. Jedel izdestirý sharalary nátıjesinde oqıǵa ornynan izin sýytqan 1988 jylǵy azamat tutqyndaldy. Qylmystyń jasyryn qalmaýyna áleýmettik jeli qoldanýshylary da úles qosty, deıdi oblystyq ІІD qyzmetkerleri. Qazirgi tańda sotqa deıingi tergeý jumystary júrgizilýde. Kúdikti qamaýǵa alynyp, kóligi aıypturaǵyna qoıyldy.
