Taldyqorǵanda 8 jasar balany ólimshi etip sabaǵan ógeı áke 10 jylǵa sottaldy
TALDYQORǴAN. QazAqparat - Taldyqorǵanda 8 jasar balany urǵan ógeı áke 10 jylǵa sottaldy. Іsti qaraǵan Almaty oblysynyń №1 kámeletke tolmaǵandar isteri jónindegi mamandandyrylǵan aýdanarylyq soty osyndaı úkim shyǵardy, dep habarlaıdy QazAqparat tilshisi.
«QR QK 106-babynyń 2-bóliginiń 3,4,11 tarmaqshalary boıynsha aıyptalǵan Denıs Grevtsevti 10 jylǵa bas bostandyǵynan aıyrý jóninde úkim shyqty» delingen Almaty oblysy №1 kámeletke tolmaǵandar isteri jónindegi mamandandyrylǵan aýdanarylyq sotynyń baspasóz qyzmeti taratqan habarlamada.
Sondaı-aq sot balanyń ómirin saqtap qalǵan Taldyqorǵan qalasyndaǵy Almaty oblystyq kópsalaly balalar aýrýhanasynyń dárigerlerin madaqtaý jóninde sheshim shyǵardy. Sebebi dárigerler balanyń ómirin aman alyp q alý úshin bir aı boıy arpalysqan.
Esterińizge sala keteıik, 8 jasar balanyń ógeı ákesi balany uryp-soqqanymen qoımaı, kózine tuz sepken. Jansaqtaý bólimine túsken 8 jasar ulyn azamattyq nekedegi kúıeýi qalaı soqqanyn balanyń anasy Nına Shelıpova aıtyp bergen bolatyn.
