Taldyqorǵanda 71 otbasyǵa kottedjdi qalashyqtan úı berildi
TALDYQORǴAN.QazAqparat - Taldyqorǵanda 71 otbasyǵa kottedj úı berildi, - dep habarlaıdy QazAqparat tilshisi.
Taldyqorǵan qalasynyń «Qala kúni» merekesinde baspanaly bolǵan qýanysh ıelerin oblys ortalyǵynyń ákimi Ǵalymjan Ábdiraıymov quttyqtap, baspanalardyń kiltterin tabystady.
Osy kúni baspanaly bolǵandar kópbalaly otbasylar, ata-ana qamqorlyǵynan aıyrylǵan balalar, týa bitken múmkindigi shekteýli balalar, I-II toptaǵy múmkindigi shekteýli azamattar, tolyq emes otbasylar, zeınetkerler sanatyndaǵy qala turǵyndary.
Esterińizge salar bolsaq, jyl sońyna deıin taǵy 48 otbasyǵa osyndaı baspanalardyń kiltin berý josparlanýda.
Jalpy kottedjdi qalashyqta barlyǵy 620 turǵyn úı beriletin bolady.
