Taldyqorǵanda 70 taksı halyqqa tegin qyzmet kórsetýde
Sondaı-aq bul dinı meıram ulttyq oıyndarmen ulasyp, jetisýlyq jamaǵat at jarystyryp, balýan kúrestirip, arqan tartysyp kóńil kóteredi. Mundaǵy maqsat ıgi amaldar men jaqsylyqqa shaqyratyn Qurban aıt merekesiniń mánin tereńdetip, mártebesin asqaqtatý, dep habarlaıdy QazAqparat tilshisi.
70 taksı tań sáriden saǵat jetidegi aıt namazǵa halyqty tası bastady. Negizgi nazar úlken qarııalarǵa aýdaryldy. Kólik júrgizýshilerdiń basym bóligi meshitke jıi baryp, qulshylyq etip turatyn qala turǵandary. Búgin olar aqshanyń ornyna halyqtan bata surady.
Ertaı Qabanbaev birneshe jyldan beri Oraza jáne Qurban aıt merekelerinde tegin taksı qyzmetin usynady. Kóligin tizgindep, kóshede qol kótergen aǵaıynnyń bárine toqtaıdy. Júrgizýshilerdiń bul bastamasyna qoǵamdyq kólik ıeleri de úles qosyp, keı baǵyttarǵa tegin tasymal uıymdastyrdy. Nátıjesinde meshitterge kelgen halyqtyń da qarasy qalyń.
Qurban aıt keshirim men ıgi amaldardyń, qaıyrymdylyqtyń meıramy. Jaqsylyq jasaýǵa shaqyratyn merekeniń mán maǵynasy da jyldan jylǵa artyp keledi.
«Osy meshitke kelýshi jastarymyz tek namazyn ǵana oqyp ketip jatqan joq. Sonymen qosa qandaı bir mereke bolsa da óte joǵary deńgeıde belsendiligin kórsetip jatyr. Bir birine qaıyrymdylyqtaryn izetterin kórsetip, qaıtsem izgilik jasaımyn, men qandaı bir jaqsylyq jasasam bolady elime halqyma degen ózderiniń talpynystary júzderinde aıqyn kórinip tur»,- deıdi Taldyqorǵan óńiriniń ókil ımamy Serikhan Yrymhanuly .
Taldyqorǵan tórindegi qurban aıt merekesi tústen keıin sporttyq sharalarǵa ulasady. Jas balýandar kúresip, ulttyq at sport oıyndary ótedi. Al keshke qaraı meshit mańynda shalynǵan mal eti muqtaj jandarǵa úlestiriledi.
