Taldyqorǵanda 7 eldiń ardagerleri volleıboldan synǵa túsedi
ASTANA. QazAqparat - Taldyqorǵan qalasynda volleıboldan ardagerler arasynda «Jetisý kýbogy» halyqaralyq týrnıri ótedi. Bul týraly Óńirlik kommýnıkatsııalar qyzmetinde Almaty oblysynyń dene shynyqtyrý jáne sport basqarmasynyń basshysy Turatbek Sharapıev pen «Jetisý» kásibı volleıbol klýby jetekshisiniń orynbasary Rıshat Parmanov baıandady.
Oblysta bıyl birinshi márte uıymdastyrylatyn týrnırde Qazaqstannyń túkpir-túkpirinde qurylǵan komandalar, Reseı, Ózbekstan, Qyrǵyzstan, Monǵolııa, Býrıatııa, Lıtva sııaqty memleketerden sportshylar jarysqa túsedi.
«Sport - bul eń áýeli salaýatty qoǵam qalyptastyratyn, densaýlyqty saqtaýǵa jáne nyǵaıtýǵa baǵyttalǵan, saýyqtyrý jolyndaǵy belsendi is-áreket» - dedi T.Sharapıev.
«Uıymdastyrý kommıtetinde osymen úshinshi márte otyrys ótip, daıyndyq jumystary qaraldy. Ótetin orynnyń daıyndyǵy, medaldar men kýboktyń eskızderi bekitildi. Týrnır Taldyqorǵanda ótetindigimen maqtanamyz, qyzyqty ári tartysty oıyn bolady. Saıysqa saqadaı saımyz», - dedi R.Parmanov.
Jarys júldegerlerine medaldarmen qatar I oryn úshin - 1 mln teńge, I orynǵa - 700 myń teńge jáne III orynǵa 500 myń teńge beriledi.
Jarys 17 qarashada bastalady. Ardager volleıbolshylardyń tartysty týrnırin kórgisi keletin qaýym úshin esik ashyq.
