Taldyqorǵanda 7 balaly otbasyǵa kásipker baspana syılady

TALDYQORǴAN. QazAqparat – Taldyqorǵanda 7 balaly Oksana Sarynovaǵa kásipker baspana alyp berdi, dep habarlaıdy QazAqparat tilshisi.

Kópbalaly ana Taldyqorǵan qalasyna qarasty Merekelik saıajaıynda turǵan. Qabyrǵasy qoparylyp túsip, kógerip, qulaýdyń sál aldynda turǵan bir bólmeli úı olarǵa pana boldy. Oksananyń aıtýynsha, olardyń tamaqtanatyn da, jatatyn da jeri sol bir bólme. Onyń ózin jaldap turǵan.

Taldyqorǵan qalasynyń ákimi Ǵalymjan Ábdiraıymovqa múshkil halin jetkizgen Oksana arman etken baspanasyna qol jetkizdi. Shahar basshysy kópbalaly anaǵa kómek qolyn sozý úshin taldyqorǵandyq kásipker Qaırat Maılıkovke demeýshilik qoldaý kórsetýin suraǵan. Osylaısha, kásipker 7 balaly otbasyǵa baspana syılady.