Taldyqorǵanda 600-den astam kásipkerdiń shottary buǵattaldy
TALDYQORǴAN.QazAqparat - Taldyqorǵanda salyq bereshegin tólemeı júrgen 625 kásipkerdiń shottary buǵattaldy. Olardyń memleket aldyndaǵy qaryzy 500 mln teńgege jýyqtaǵan, dep habarlaıdy QazAqparat tilshisi.
«Biz birinshi salyq aldynda bereshegi bar kásipkerlerge elektrondyq nusqada jáne poshta arqyly habarlama jiberemiz. Eger 10 jumys kúnniń ishinde qaryz tólenbese, banktik shottary buǵattalyp, shetelge shyǵýǵa tyıym salynady. Búgingi kúni 625 kásipkerdiń shottary buǵattaldy. Olardyń salyq aldyndaǵy bereshegi 490 mln 487 myń teńge. Máselen jyl basynda bul qaryzdyń kólemi 775 mln 401 teńge bolǵan. Bul jerde jeke kásipkerler men jaýapkershiligi shekteýli seriktestikter de bar», - dedi Taldyqorǵan qalalyq Memlekettik kirister basqarmasynyń májbúrlep óndirip alý bóliminiń basshysy Máýlen Týrabaev.
Bólim basshysynyń aıtýynsha, salyq aldyndaǵy qaryzdy óndirip alý tek shottardy buǵattaýmen ǵana shektelmeıdi. Eger kásipker bul áreketke mán bermese, onyń kassasyna jáne jyljymaıtyn múlkine shekteý qoıylady. Sondaı-aq, banktik shottaryna aqsha tússe, ol qarajat avtomatty túrde memlekettik salyq aldyndaǵy qaryzdy óndirýge jiberiledi.
«Egerde salyq óndirilmegen jaǵdaıda, salyq tóleýshiniń salyqtyq bereshegi sommasyn onyń debıtorlarynyń shottarynan óndirip alý jumystary júrgiziledi. ıAǵnı, kásipkermen jumys isteıtin kompanııa ókilderinen salyq óndiriledi. Aıta ketetin jaıt, salyq shekteýge qoıylǵan jyljymaıtyn múlki arqyly da óndiriledi. Demek, kásipkerdiń jeke múlki satylymǵa qoıylyp, ol qarajat salyq tóleýshiniń memleket aldyndaǵy salyqtyq qaryzyn óteýge jusalady», - málim etti Máýlen Týrabaev.
