Taldyqorǵanda 6 jýrnalıske páter kilti tabys etildi
TALDYQORǴAN. QazAqparat - Taldyqorǵanda «Jetisý» jáne «Ognı Alataý» gazetteriniń 100 jyldyq mereıtoıyna oraı atalǵan basylymnyń jýrnalısterine páter berildi, dep habarlaıdy QazAqparat tilshisi.
Baspana kiltterin saltanatty keshte Almaty oblysynyń ákimi Amandyq Batalov tabystady. Páterli bolǵandar qatarynda «Jetisý» gazetiniń tilshileri Máýlen Ánerbaı, Asyl Sultanǵazy jáne fototilshi Aslan Qajeke, sonymen qatar «Ognı Alataý» gazetiniń aǵa tilshisi Tatıana Demıdova, bólim redaktory Djamılıa Atıbaeva jáne tilshi Andreı ıAropolov bar.
Sondaı-aq, saltanatty keshte qos basylymnyń 5 jýrnalısi Jumataı Ámireev, Qýat Qaıranbaev, Vasılıı Vorobev, Gaýhar Dúısenbaeva, Tanzılııa Muhtarovalar «Aqparat salasynyń úzdigi» tósbelgisimen marapattaldy. Odan bólek, úzdik jýrnalısterge oblys ákiminiń qurmet gramotasy men alǵys hattary tabys etildi.
Aıta ketý kerek, oblystyq «Jetisý» gazeti alǵashynda «Jetisý isshi halyq muqbiri», ıaǵnı «Jetisý jumysshylarynyń jarshysy» dep ataldy. Ataýy jeti ret ózgergen basylym 1963 jyldan beri «Jetisý» gazeti atalyp keledi.
Taldyqorǵandaǵy «Jastar» saıabaǵynda Aqparat jáne baılanys qyzmetkerleriniń jáne Almaty oblystyq «Jetisý» men «Ognı Alataý» gazetteriniń 100 jyldyq mereıtoıyna arnalǵan shara kontserttik keshke ulasty.
Meıramǵa oraı 200-den astam BAQ ókilderine oblys ákiminiń merekelik syıaqysy berildi.
