Taldyqorǵanda 6 jasar qyzdy kólik qaǵyp ketti
TALDYQORǴAN. QazAqparat - Taldyqorǵanda gınekolog dáriger 6 jastaǵy qyzdy kóligimen qaǵyp ketti. Qazir zardap shekken bala jansaqtaý bóliminde jatyr, dep habarlaıdy QazAqparat tilshisi.
Atalǵan oqıǵany oblystyq perınataldyq ortalyǵy rastady.
«Qazir bala balalar aýrýhanasynyń jansaqtaý bóliminde jatyr. Qol-aıaǵy synbaǵan. Denesi syrylǵan. Eń bastysy bala ózdigimen demalyp jatyr. Oǵan eshqandaı apparat qosylmaǵan. Aldyn ala boljam boıynsha, bala kóliktiń aldyna ózi júgirip shyqqan», -dep málim etti oblystyq perınataldyq ortalyǵy.
Jol kólik oqıǵasy búgin Taldyqorǵan qalasyndaǵy «Altyn Adam» meıramhanasy mańynda bolǵan. Balany qaqqan áıel jalǵyzbasty ana.
