Taldyqorǵanda 50 jastaǵy er adamdy kólik qaǵyp ketti

TALDYQORǴAN. QazAqparat - Taldyqorǵanda 50 jastaǵy er adamdy kólik qaǵyp, mert boldy, - dep habarlaıdy QazAqparat tilshisi.

Jol-kólik oqıǵasy keshe keshke Abylaıhan kóshesinde boldy.

«BMW» avtokóligin tizgindegen Taldyqorǵan qalasynyń 20 jastaǵy turǵyny belgilenbegen jerde jol bóligin kesip ótip bara jatqan er adamdy qaǵyp, jaıaý júrginshi oqıǵa ornynda kóz jumdy.

«Atalǵan fakti boıynsha qajetti saraptamalardy taǵaıyndaýmen birge sotqa deıingi tergeý amaldary bastaldy»,- delingen Jetisý oblystyq polıtsııa departamenti baspasóz qyzmetiniń habarlamasynda.

Jyl basynan beri oblysta jaıaý júrginshilerdiń qatysýymen 52 jol-kólik oqıǵasy tirkeldi. Onda 10 adam qaza taýyp, 44 adam túrli jaraqat aldy.

Jetisý oblysynyń polıtsııasy jol qozǵalysynyń barlyq qatysýshylaryn QR Jol erejelerin qatań saqtaýǵa shaqyrady.