Taldyqorǵanda 5 mln teńgeniń araq-sharabyn urlaǵan ury ustaldy
TALDYQORǴAN. QazAqparat - Taldyqorǵanda araq-sharap urlaǵan ury ustaldy. Qazir 59 jastaǵy kúdikti ýaqytsha ustaý oqshaýlaǵyshyna qamaldy, dep habarlaıdy QazAqparat tilshisi.
Atalǵan fakti boıynsha QR QK-niń 188-baby 3-shi tarmaǵyna sáıkes qylmystyq is qozǵaldy. Urlyq ótken jyldyń shilde aıynda bolǵan. Jergilikti kásiporynnyń qoımasynan ishimdik zattary urlanǵan. Baýkespeler 10 kún boıy birneshe ret plastıkalyq terezeni maıystyrý arqyly ishke enip, josparlaryn júzege asyrǵan. Japa shekken araq-sharap ónimderiniń ıesi óziniń shyǵyn kólemin 5 107991 teńgege baǵalap otyr. Qazirgi ýaqytta kúdiktilerdiń bireýi ustalyp, ýaqytsha ustaý oqshaýlaǵyshyna qamaýǵa alyndy.
Jáne de onyń kómekshisiniń jeke basy anyqtalyp, qylmyskerdi ustaýǵa baǵyttalǵan tıisti shara qabyldanýda.
