Taldyqorǵanda 42 jastaǵy áıeldi óltirdi degen kúdikpen kúıeýi ustaldy
TALDYQORǴAN.QazAqparat - Taldyqorǵanda 42 jastaǵy áıeldi óltirdi degen kúdikpen kúıeýi jáne kúıeýiniń tanysy ustaldy. Olar máıitti jer úıdiń jertólesine jasyrǵan, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, erli-zaıyptylardyń arasynda janjal bolyp, joldasy áıeline pyshaq jaraqatyn salǵan. Oqıǵa 12 shilde kúni jaldamaly páterdiń birinde bolǵan. Artynsha kúdikti tanysyn shaqyryp, marqumnyń máıitin jasyrýǵa kómek surap, qylmysyn birigip jalǵastyrǵan.
«Qazir eki kúdikti de ustaldy. Áıeldiń múrdesi tabyldy. Qajetti sotaldy saraptamalar taǵaıyndalǵan. Tergeý júrip jatyr», dep málimdedi atalǵan vedomstvo qyzmetinen.
Kúdikti qylmysty as úı pyshaǵymen jasaǵan. Bul zat aıǵaq retinde is materıalyna tirkeldi.
