Taldyqorǵanda 36 jastaǵy kelinshekti kólik qaǵyp, mert boldy
TALDYQORǴAN.QazAqparat - Taldyqorǵannyń kire beris qaqpasynda jaıaý júrginshini kólik qaǵyp, mert boldy. Marqum bolǵan áıel 1982 jyly týǵan, dep habarlaıdy QazAqparat tilshisi.
«Qaıtys bolǵan áıeldi «Mersedes» markaly kóligi qaǵyp ketken. Oqıǵa qyrkúıektiń 19-nan 20-na qaraǵan túni bolǵan. Atalǵan fakti boıynsha QR QK 345 baby negizinde sot aldy tergeý bastaldy. Tergeý jumystaryn Almaty oblystyq ІІD anyqtaý basqarmasy júrgizedi», - dedi Almaty olblystyq ІІD baspasóz qyzmetiniń ókili Kóbeıhan Nurahmetov.
Aıta ketý kerek, 36 jastaǵy áıeldi qaǵyp ketken jerde jaıaý júrginshiler úshin ótkel, ne bolmasa jaıaý júrginshiler joly joq. Al bul mańda kottedjdi qalashyqtyń turǵyndary turady. Qalashyq Almaty-Taldyqorǵan tasjoly boıynda ornalasqan. Jol boıynda jaıaý júrginshilerge arnalǵan eshqandaı ótkel joq. Turǵyndar aǵylyp jatqan kólikterden jáne eki joldy bóletin qorshaýdan sekirip attap, qarsy betke ótetinderin aıtady.
Olardyń sózinshe, jergilikti bılik bul máseleden qulaǵdar bolsa, da ázirge eshbir áreket jasamaǵan.
